Monatsknobelei 136

Wie Woa Weihnachten

Oida Mau, du bist scho´ 100 Joa
 dazöh ma wie des woa -  Weihnochtn.
I hob scho´ davo´ glesn, sog wie is des g´wesen
Wie woa Weihnochtn?

Oida Mau, und sog ma wos is´ Schnee.
Is´ Schnee so koit wia Eis? Und wirklich wohr so weiss
So weiss wie deine Hoa, sog ma wie des woa,
wie woa Weihnochtn?

Pass auf Burli, Weihnochtn des woa
des schönste Fest im Joa.
Na und der Schnee der foit vom Himmel,
so weiss ois wie a Schimmel.
A Schimmel is a Pferd, des Wurt hosd no ned g´hert.
Najo, owa so woa Weihnochtn.

Oida Mau, erklär ma des genau
weil i ma des ned vorstölln kau. Wie woa Weihnochtn?
Und bitte wos san Stern, de leichtn in da Fern?
Wie woa Weihnochtn?

Pass auf Burli, i sich des no in meine Tram
do wor amoi a Christbam mit Kerzn
und Frieden wor in olle Herzn.
Und daun worn do no 1000 Lichter und glückliche G´sichter.
De oidn und de Jungan ham olle gsungan.
Pass auf "Stille Nacht, heilige Nacht ... " Jawohl, des wor des Lied,
wo's dazöhn wias Jesu Kind geborn wird.
Wos? des kennst du olles ned?
Na jo des is natürlich bled.
Owa so, so woa Weihnochtn.

Oida Mau, wos woa des für a Zeit? Wos is Glückseligkeit?
Wie wor Weihnocht´n.
Und sog wos is passiert
dass nimma g´feiert wird - Weihnochtn?

Pass auf Burli, do woa amoi a großer Kriag
Und daun is owegfoin de Bomb´n. Und in de Katakomb´n
hams owe miassn de Leit und do lebn mia no heit.
Und nix is mehr min Schnee und mit der Glückseligkeit,
und mit de Zimtstern und mit de Lichter,
mit de glücklichen Gsichter
und mit de .. mit de Schneeflockaln
und nix is mehr mit Weihnocht´n.
Mein liaba Gott, weil des is laung vorbei und tot.
Und wir werns nimmamehr daleb´n.
Owa wauns in a poar 100 Joa den Deckl do ob´n wieder heb´n,
daun wirds vielleicht wieder Weihnocht´n geb´n.

Oida Mau, jetzt was i gaunz genau
jetzt was i wie des woa - Weihnochtn.
I woit i hättat g´lebt vor über 100 Joa zu Weihnochtn.